मोर्चासे टिसरा चरणके सघर्षके सक्कु कार्यक्रम स्थागित

पहुरा समाचारदाता
धनगढी, १२ बैशाख । थरुहट/थारुवान राष्ट्रिय मोर्चा टिसरा चरणके सघर्षके सक्कु कार्यक्रम स्थागित हुइल जनैले बा ।

कोभिड–१९ के संक्रमण बढलपाछे मोर्चासे शनिच्चरके रोज एक विज्ञप्ती जारी करटी टिसरा चरणके सघर्षके सक्कु कार्यक्रम स्थागित करल हो । थरुहट÷थारुवान राष्ट्रिय मोर्चाके केन्द्रीय सचिवालयके बैठक गैल चैत २५ गतेक निर्णय अन्सार सर्कुलर करल केन्द्रीय बैठक एबंम टिसरा चरणके संघर्षके कार्यक्रम अन्र्तगत नवलपरासी, कपिलबस्तु, दाङ/देउखरी, बर्दिया ओ कञ्चनपुरमे आयोजना कैना बृहत जनदवाव, तथा जनजागरण सभा भव्य रुपमे सफल बनाइक लाग तयारी पुरा करले रहे ।

कोभिडके संक्रमणसे बच्ना बचैना, नेपाल सरकार गृह प्रशासनसे टमान जिल्लामे करल बन्दाबन्दी, जिल्ला विपद व्यवस्थापन समितिके बैठकसे सभा सम्मेलन निषेध करल निर्णय समेटहे मध्यनजर करटी दुसर सूचना नइआइटसम टिसरा चरणके कार्यक्रम स्थागित हुइल मिनराज चौधरीसे हस्ताक्षरित विज्ञप्तीमार्फत जानकारी डेहल बा ।