अक्सिजन नैपाके अस्पतालमे एकके मृत्यु

धनगढी, २५ वैशाख । सेती प्रादेशिक अस्पतालमे अक्सिजन नैपाके एक जहनके मृत्यु हुइल बा । कोरोना संक्रमणपाछे सेती प्रादेशिक अस्पतालके ११ नम्बर आईसियु बेडमे उपचाररत लोकेन्द्र जोशीके आज बिहान अक्सिजन नैपाके मृत्यु हुइल आफन्त बटैलैं ।

दार्चुलाके शैल्यशिखर नगरपालिका–९ के जोशी महाकाली नगरपालिकाके जिल्ला आयुर्वेदिक शाखाके प्रमुख समेत हुइट ।

झापामे भेन्टिलेटर रहल जानकारी पाइलपाछे परिवार आज उहाँहे हेलिकोप्टरसे झापा लैजिना तयारी करले रहे ।