धनगढीके व्यवसायी लम्सालके कोरोना संक्रमणसे मृत्यु

धनगढी, २७ वैशाख । धनगढीके व्यवसयी नारायण लम्सालके कोरोना भाइरसके संक्रमणसे मृत्यु हुइल बा । कुछ दिन यहोर कोरोना संक्रमित हुके उपचार करैटीरहल उहाँक आज काठमाडौँमे मृत्यु हुइल हो ।

धनगढीमे उपचार सम्भव नैहुइलपाछे ४ दिनआघे उहाँहे थप उपचारके लाग काठमाडौँके नोवेल होस्पिटलमे भर्ना करल नेकपा एमाले कैलाली सहइन्चार्ज दीपक देवकोटा जानकारी डेलैं ।

४९ वर्षिय लम्साल नेपाल राष्ट्रिय उद्योग व्यवसायी महासंघके केन्द्रीय सदस्य, नेकपा एमाले धनगढीके पूर्व नगर अध्यक्ष, कैलाली उद्योग वाणिज्य संघके पूर्व सचिव रहैं ।