२४ घण्टामे देशभर ९ हजार २ सय ३८ जानेमे कोरोना पुष्टि, ४ हजार ४ सय ४४ संक्रमणमुक्त

काठमाडौं, २९ वैशाख । गैल २४ घण्टामे देशभर ९ हजार २ सय ३८ जाननेमे कोरोना भाइरस संक्रमण पुष्टि हुइल बा । स्वास्थ तथा जनसंख्या मन्त्रालयसे आज (बुधके) आयोजना करल पत्रकार सम्मेलनमे प्रवक्ता डा जागेश्वर गौतम २० हजार ३ सय ६२ पीसीआर परीक्षणसे ९ हजार २ सय ३८ जहनमे कोरोना पुष्टि हुइल जानकारी डेलैं ।

उहाँक अनुसार एन्टिजेन विधिसे करल ४ सय २४ नमुना परीक्षणमे ६७ जहनमे पोजिटिभ डेखाइल बा । अस्टेक, २४ घण्टामे ४ हजार ४ सय ४४ संक्रमणमुक्त हुइल बाटैं ।

नेपालमे सक्रिय संक्रमितके संख्या १ लाख १ हजार ६ सय ३४ पुगल बा । जोनमध्ये ७ हजार २९१ जाने संस्थागत आइसोलेसनमे ओ ९४ हजार ३ सय ४३ जाने होम आइसोलेसनमे रहल प्रवक्ता गौतम बटैलैं ।