बाँकेमे कोरोना संक्रमणसे थप ९ के मृत्यु
बाँके, ३० वैशाख । बाँकेमे कोरोना संक्रमणसे मृत्यु हुइनाके संख्या बह्रटी बा । बाँकेके दुई अस्पतालमे बुध रातसे बिहानसम थप ९ जहनके मृत्यु हुइल बाँकेके कोरोना फोकल पर्सन तेज वली बटैलैं ।
जिल्ला कोभिड–१९ संकट व्यवस्थापन केन्द्र, बाँकेके फोकल पर्सन वलीके अनुसार बाँके, बर्दिया ओ दाङके ९ जाने कोरोना संक्रमितके मृत्यु हुइल हो ।
नेपालगन्ज उपमहानगरपालिका–१ के ४३ वर्षिया महिलाके भेरी अस्पतालमामे मृत्यु हुइल बा । उहाँहे १९ गते अस्पताल भर्ना करल रहे । बर्दिया राजापुर नगरपालिका–६ के ५६ वर्षिया महिलाके भेरी अस्पतालमे मृत्यु हुइल बा । उहाँहे २९ गते भर्ना करल रहे । गुलरिया नगरपालिका–८ के ३२ वर्षिया महिलाके फेन भेरी अस्पतालमे मृत्यु हुइल बा । उहाँहे वैशाख १७ गते भर्ना करल रहे ।
दाङ तुलसीपुर उपमहानगरपालिका–६ के ४३ वर्षिय पुरुषके कोहलपुर मेडिकल कलेजमे मृत्यु हुइल बा । उहाँहे २९ गते भर्ना करल रहे ।
अस्टेक बैजनाथ गाउँपालिका–६ के ६४ वर्षिय पुरुषके कोहलपुर मेडिकल कलेजमे मृत्यु हुइल बा । उहाँहे १९ गते अस्पताल भर्ना करल रहे ।
दाङ तुलसीपुर उपमहानगरपालिका–५ के ३५ वर्षिया महिलाके कोहलपुर मेडिकल कलेजमे मृत्यु हुइल बा । उहाँहे २९ गते अस्पताल भर्ना करल रहे ।
अस्टेक, डुडुवा गाउँपालिका–३ के ५० वर्षिया महिलाके नेपालगन्ज मेडिकल कलेजमे मृत्यु हुइल बा । उहाँहे वैशाख २८ गते भर्ना करल रहे ।
नरैनापुर गाउँपालिका–५ के ४२ वर्षिय पुरुषके नेपालगन्ज मेडिकल कलेजमे मृत्यु हुइल बा । उहाँहे वैशाख २८ गते भर्ना करल रहे ।
अस्टेक, नेपालगन्ज उपमहानगरपालिका–१२ के ७५ वर्षिया महिलाके नेपालगन्ज मेडिकल कलेजमे मृत्यु हुइल बा । उहाँहे वैशाख २८ गते भर्ना करल रहे ।
यी सँगे बाँके जिल्लाके मृत्यु संख्या २१३ ओ अन्य जिल्लासे उपचारके लाग आइलके मृत्यु संख्या १६३ पुगल बा ।
