कोरोना संक्रमणसे एक्के दिनमे २ सय १४ के मृत्यु
काठमाडौं, ३० वैशाख । बिटल २४ घण्टामे कोरोना भाइरस संक्रमणसे २ सय १४ जहनके मृत्यु हुइल बा । स्वास्थ्य तथा जनसंख्या मन्त्रालयसे आज दिनके नेपाली सेनासे व्यवस्थापन करल शवके आधारमे उ मृत्यु संख्या सार्वजनिक करल हो । यीसँगे नेपालमे कोरोना संक्रमणसे मृत्यु हुइनाके संख्या चार हजार ४ सय ६६ पुगल बा ।
पछिल्का कुछ दिनयहोर कोरोना संक्रमितके मृत्यु अत्यधिक बह्रल बा । मंगरके २ सय २५ जाने ओ बुधके १ सय ६८ जहनके मृत्यु हुइल रहे ।
मन्त्रालयके अनुसार गैल २४ घण्टामे १९ हजार ४ सय ७४ पीसीआर ओ ७७१ एन्टिजेन परीक्षणमे ८ हजार ९६० जहनमे कोरोना संक्रमण पुष्टि हुइल बा । हालसम संक्रमितके संख्या चार लाख ३१ हजार १ सय ९१ जाने पुगल बा ।
सक्रिय संक्रमितके संख्या १ लाख पाँच हजार २०७ पुगल बा । उमध्ये ९६ हजार ३ सय ७९ जाने होम आइसोलेसनमे ओ ८ हजार ८ सय २८ जाने संस्थागत आइसोलेसनमे बाटैं । संस्थागत आइसोेलेसनमे रहलमध्ये १ हजार ३ सय ८१ जाने आईसीयूमे ओ ३ सय ८० जाने भेन्टिलेटरमे बाटैं ।
पाछेक २४ घण्टामे कोरोना भाइरस संक्रमणमुक्त हुइनाके संख्या ५ हजार ५५ रहल बा । हालसम संक्रमण मुक्त हुइनाके संख्या ३ लाख २१ हजार ५१८ रहल बा ।
