पूर्वरानी कोमल शाह अस्पतालसे डिस्चार्ज

काठमाडौं, ३१ वैशाख । पूर्वरानी कोमल शाह कोरोनामुक्त हुइल बाटी । नर्भिक इन्टरनेशल हस्पिटलमे उपचाररत पूर्वरानी शाह ओ पूर्वअधिराजकुमारी प्रेरणा शाह आज अपरान्ह ४ बजे डिस्चार्ज हुइल अस्पताल जनैले बा ।

संक्रमण डेखाइलसँगे २१ दिनआघे नर्भिक अस्पतालमे पूर्व राजा ज्ञानेन्द्र शाहसहित तीनु जाने अस्पताल भर्ना हुइल रहैं । पूर्वराजा ज्ञानेन्द्र शाह वैशाख २९ गते रात ८ बजे डिस्चार्ज हुइल रहैं ।

अस्पताल अइटीकिल पूर्वरानी कोमल शाहके अवस्था बिग्रे लागल रहे । उहाँहे अक्सिजनके हाइफ्लो सपोर्टमे ढरके उपचार करल रहे । अक्सिजन निरन्तर घटलपाछे आईसियूमे ढरके समेत कुछ दिन उपचार करल रहे । प्लाज्मा थेरापी विधिसेसमेत उपचार करल रहे । क्रमिक रुपमे स्वास्थ्यमे सुधार हुइलपाछे उहाँहे डिस्चार्ज करल अस्पता जनैले बा ।

पूर्वराजा, पूर्वरानी ओ पूर्वअधिराजकुमारीके उपचारमे नर्भिक अस्पतालके सिनियर फिजिसियन तथा कार्डियोलोजिष्ट डा. जेपी जैसवाल ओ चेस्ट फिजिसियन डा. बी श्रीवास्तव नेतृत्वके टिम संलग्न रहल अस्पताल स्रोत जनैले बा ।