थप ८ हजार ४ सय ६७ संक्रमित, २ सय ३ के मृत्यु
काठमाडौं, ३१ वैशाख । २४ घण्टामे देशभर ८ हजार ४ सय ६७ जहनमे कोरोना संक्रमण पुष्टि हुइल बा । स्वास्थ्य तथा जनसंख्या मन्त्रालयसे आज डेहल जानकारी अनुसार २० हजार ९ सय ४८ पीसीआर परीक्षणसे ८ हजार ४ सय ६७ जहनमे कोरोना पुष्टि हुइल हो ।
हालसम नेपालमे कोरोना संक्रमितके संख्या ४ लाख ३९ हजार ६५८ पुगल बा ।
अस्टेक २४ घण्टामे ६ हजार १ सय ३५ जाने कोरोना संक्रमणमुक्त हुइल बाटैं । यीसँगे कोरोनामुक्त हुइनाके संख्या ३ लाख २७ हजार ६ सय ५३ पुगल बा ।
नेपालमे सक्रिय संक्रमितके संख्या १ लाख ७ हजार ३ सय ३६ पुगल बा । क्वारेन्टाइनमे ५ सय १६ जाने बाटैं ।
अस्टेक देशभर कोरोना भाइरस संक्रमणसे थप २ सय ३ जहनके मृत्यु हुइल बा । स्वास्थ्य तथा जनसंख्या मन्त्रालयसे डेहल जानकारी अनुसार नेपाली सेनासे टमान मितिमे व्यवस्थापन करल शवसहित २ सय ३ जहनके मृत्यु हुइल हो । यी सँगे नेपालमे कोरोनासे ज्यान गुमाइलके संख्या ४ हजार ६ सय ६९ पुगल बा ।
