मन्त्री शाहहे दुई मन्त्रालयके जिम्मेवारी
धनगढी, १ जेठ । सुदूरपश्चिम प्रदेशके आन्तरिक मामिला तथा कानुन मन्त्री प्रकाशबहादुर शाह औरे मन्त्रालयके जिम्मेवारी पैले बाटैं । मन्त्री शाहहे आर्थिक मामिला तथा योजना मन्त्रालयके जिममेवारी डेहल हो ।
अस्टेक मुख्यमन्त्री त्रिलोचन भट्ट मुख्यमन्त्री तथा मन्त्रीपरिषद कार्यालयसँगे भौतिक पूर्वाधार विकास मन्त्रालयके फेन जिम्मेवारी सम्हरटी आइल बाटैं । यीआघे भौतिक पूर्वाधार विकास मन्त्री पठानसिंह बोहराहे पदमुक्त करल रहे कलेसे आर्थिक मामिला तथा योजनामन्त्री झपटबहादुर बोहरा मन्त्री पदसे राजीनामा डेले रहैं ।
दुनु मन्त्रालय मन्त्रीबिहिन बनलपाछे मुख्यमन्त्री भट्ट दुनु मन्त्रालयके जिम्मेवारी निर्वाह करटी आइलमे हाल आन्तरिक मामिला तथा कानुनमन्त्री प्रकाशबहादुर शाहहे आर्थिक मामिला तथा योजना मन्त्रालयके समेत जिम्मेवारी डेहलपाछे दुई महत्वपूर्ण मन्त्रालयके जिम्मेवारी मन्त्री शाह प्राप्त करल हुइट ।
