धनगढीके ३ संक्रमितके मृत्यु, कैलालीमे ४१६ जाने संक्रमित थपलैं

धनगढी, २ जेठ । बिटल २४ घण्टामे धनगढीके ३ जाने कोरोन संक्रमितके मृत्यु हुइल बा । सेती प्रादेशिक अस्पतालमे उपचाररत धनगढी वडा नम्बर २, ५ ओ ६ के ३ जहनके मृत्यु हुइल अस्पतालके सूचना अधिकारी दिलिपकुमार श्रेष्ठ बटैलैं ।

कैलालीमे पाछेक २४ घण्टामे जिल्लामे ४ सय १६ जहनमे कोरोना संक्रमण पुष्टि हुइल बा । सेती प्रादेशिक अस्पतालके प्रयोगशालामे ७ सय ४७ जहनके परिक्षण करेबेर कैलालीके ४ सय १६ जहनमे संक्रमण पुष्टि हुइल हो ।

धनगढी उपमहानगरपालिका भित्तर १ सय ३८ जहनमे संक्रमण पुष्टि हुइल हो । कैलालीके अन्य स्थानीय तहमे २ सय ७८ जाने संक्रमित हुइल बाटैं । कैलाली बाहेकके प्रदेशके अन्य जिल्लामे १९ जहनमे संक्रमण पुष्टि हुइल बा ।

अब्बे अस्पतालके अस्थायी कोरोना अस्पतालमे १ सय ८ जाने संक्रमितके उपचार हुइटा । उमध्ये १ जाने भेन्टिलेटरमे ओ १५ जाने आइसियुमे बाटैं । पाछेक २४ घण्टामे १ जाने कोरोनामुक्त हुइल बाटै कलेसे ४ जाने अस्पताल भर्ना हुइल बाटैं ।