प्रधानमन्त्री ओ प्रधानन्यायाधीशबीच भेट हुइल नैहोः सर्वोच्च अदालत
काठमाडौं, ११ जेठ । सर्वोच्च अदालत प्रधानन्यायाधीश चोलेन्द्रशम्शेर जबरा प्रधानमन्त्री प्रधानमन्त्री केपी शर्मा ओलीसँग हाले भेट नैकरल स्पष्टीकरण डेले बा ।
आज सर्वोच्चके सहप्रवक्ता देवेन्द्र ढकाल विज्ञप्ति जारी करके प्रधानन्यायाधीश ओ प्रधानमन्त्रीबीच भेट हुइल कहिके सञ्चार माध्यममे आइल समाचारमे सत्यता नैरहल बटैले बाटैं ।
विज्ञप्तिमे स्वतन्त्र, निष्पक्ष, सुदृढ ओ सक्षम न्यायपालिका एवं विधिके शासनके सुनिश्चितता तथा न्यायपालिकाप्रतिके जनआस्था अभिवृद्धिमे सर्वोच्च अदालत सदैव गम्भीर, सचेत ओ संवेदनशील एवं पूर्ण प्रतिवद्ध रहल फेन उल्लेख करल बा ।
जेठ १० गते प्रधानमन्त्री ओली ओ प्रधानन्यायाधीश जबराबीच प्रधानमन्त्री निवासमे भेट हुइल समाचार सार्वजनिक हुइल रहे । सर्वोच्च समाचार असत्य कटि यिहिनसे न्यायपालिकाके स्वच्छता ओ यकरप्रतिके आस्था ओ विश्वासमे प्रतिकुल प्रभाव पर्ना बटैले बा ।
