सुदूरपश्चिमके ३ मन्त्रीहे एमालेसे २४ घण्टे स्पष्टीकरण पुछ्ना

धनगढी, १३ जेठ । नेकपा (एमाले) सुदूरपश्चिम प्रदेश सरकारमे सहभागी ३ मन्त्रीसे स्पष्टीकरण लेना तयारी करले बा । केन्द्रके निर्णय उल्लंघन करल कटि आज २४ घण्टे स्पष्टीकरण पुछ्ना तयारी रहल सुदूरपश्चिम प्रदेश कमिटीके अध्यक्ष कर्ण थापा जानकारी डेलैं ।

मुख्यमन्त्री त्रिलोचन भट्ट नेतृत्वके प्रदेश सरकारमे एमालेके ओरसे प्रकाशबहादुर शाह आन्तरिक मामिला तथा कानुनमन्त्री, कृष्णराज सुवेदी सामाजिक विकासमन्त्री ओ माया भट्ट उद्योग, पर्यटन, वन तथा वातावरणमन्त्री बाटैं । उहाँहुक्रे तीनुजाने खनाल–नेपाल समूहके हुइट ।

बुधके बैठल संसदीय दलके बैठकसे सरकारके समर्थनहे निरन्तरता डेना निर्णय करले रहे । उ बालुवाटारमे सोम्मार बैठल स्थायी कमिटी बैठकके निर्णयहे चुनौती डेटी सरकारमे बैठ्ना निर्णय करले रहे ।