३ हजार ७०२ मे कोरोना संक्रमण पुष्टि
पहुरा |
१६ जेष्ठ २०७८, आईतवार
काठमाडौं, १६ जेठ । २४ घण्टामे देशभर ३ हजार ७०२ जहनमे कोरोना संक्रमण पुष्टि हुइल बा । कम पीसीआर नमुनाके परीक्षण हुइलसँगे संक्रमितके संख्या फेन कम हुइल हो । स्वास्थ्य तथा जनसंख्या मन्त्रालयसे अँट्वारके डेहल जानकारी अनुसार टमान जिल्लामे करल १० हजार ९८६ पीसीआर परीक्षणमे ३ हजार ७०२ जहनमे कोरोना पुष्टि हुइल हो ।
अस्टेक, २४ घण्टामे ६ हजार २०५ जाने कोरोना संक्रमणमुक्त हुइल बाटैं ।
नेपालमे सक्रिय संक्रमितके संख्या १ लाख ८ हजार ८९७ पुगल बा । क्वारेन्टाइनमे ७६३ जाने बाटैं ।
स्वास्थ्य तथा जनसंख्या मन्त्रालयसे डेहल जानकारी अनुसार देशभर करके थप १०९ जहनके मृत्यु हुइल बा ।
