विवेकशील साझा पार्टीके नेता उज्वल थापाके निधन

काठमाडौं, १८ जेठ । विवकेशील अभियान तथा विवेकशील नेपाली दलके संस्थापक उज्वल थापाके निधन हुइल बा ।

उहाँक मंगर अपरान्ह ४ बजके २५ मिनेटमे उपचारके क्रममे मेडिसिटी अस्पतालमे निधन हुइल विवेकशील साझा पार्टीके अध्यक्ष मिलन पाण्डे बटैले बाटैं । कुछदिनआघे कोरोना संक्रमण हुइलपाछे उहाँहे अस्पताल भर्ना करल रहे ।

विवेकशील साझा पार्टीके पूर्व संयोजक रहल ४४ वर्षिय थापा सामाजिक उत्प्रेरकके रुपमे समेत चिन्हजाइट ।

कोरोना संक्रमण हुइलपाछे उपचारके लाग अस्पताल भर्ना हुइलेसे फेन अन्तिम चो करल परीक्षणमे नतिजा नेगेटिभ आइल रहे ।