थप ५ हजार ८२५ मे कोरोना संक्रमण पुष्टि

काठमाडौं, २० जेठ । २४ घण्टामे देशभर ५ हजार ८२५ जहनमे कोरोना संक्रमण पुष्टि हुइल बा । स्वास्थ्य तथा जनसंख्या मन्त्रालयसे बिफेक रोज डेहल जानकारी अनुसार टमान जिल्लामे करल १८ हजार ५६२ पीसीआर परीक्षणमे ५ हजार ८२५ जानेमे कोरोना पुष्टि हुइल हो । यीसँगे नेपालमे कोरोना संक्रमितके संख्या ५ लाख ७६ हजार ९३६ पुगल बा ।

अस्टेक, २४ घण्टामे ५ हजार ९०४ जाने कोरोना संक्रमणमुक्त हुइल बाटैं । यीसँगे कोरोना संक्रमण हुके चोखुइयाके संख्या ४ लाख ६७ हजार ४६७ पुगल बा । नेपालमे सक्रिय संक्रमितके संख्या १ लाख १ हजार ८३९ पुगल बा । क्वारेन्टाइनमे ८३१ जाने बाटैं ।

स्वास्थ्य तथा जनसंख्या मन्त्रालयसे डेहल जानकारी अनुसार देशभर करके थप ७५ जानेक मृत्यु हुइल बा । यीसँगे नेपालमे कोरोनासे मृत्यु हुइनाके संख्या ७ हजार ६३० पुगल बा ।