थप ८ हजार २४३ कोरोना संक्रमणमुक्त, ६८ के मृत्यु
काठमाडौं, २२ जेठ । बिटल २४ घण्टामे देशभर ५ हजार ४२ जाने कोरोना संक्रमित थपलमे ८ हजार २४३ जाने कोरोनामुक्त हुइल बाटैं । अस्टेक कोरोना संक्रमणसे थप ६८ जहनमे मृत्यु हुइल बा ।
स्वास्थ्य तथा जनसंख्या मन्त्रालयके अनुसार ११ हजार ४७१ नमुनाके पीसीआर परीक्षण करेबेर ३ हजार ५४० ओ ५ हजार ३४३ जहनके एन्टिजेन परीक्षण करके १ हजार ५०२ जहनमे कोरोना भाइरस (कोभिड–१९)के संक्रमण पुष्टि हुइल बा । यीसँगे नेपालमे कोरोना संक्रमितके कुल संख्या ५ लाख ९८ हजार २०४ पुगल बा । जेनमध्ये ४ लाख ८४ हजार ३७३ जाने कोरोनामुक्त हुइल बाटै कलेसे ९२ हजार ९२८ जाने सक्रिय संक्रमित बाटैं ।
मन्त्रालयके अनुसार हाल देशभर रहल सक्रिय संक्रमितमध्ये ८६ हजार २६८ जाने होम आइसोलेसनमे बाटैं । अस्टेक संस्थागत आइसोलेसनमे रहल ६ हजार ६६० जाने संक्रमितमध्ये १ हजार ४५१ जानक आईसीयूमे ओ ३८४ जानेक भेन्टिलेटरमे उपचार हुइटा ।
नयाँ संक्रमितमध्ये ९२३ जाने काठमाडौं उपत्यके हुइट ।
