करेन्ट लागके कञ्चनपुरमे १ के मृत्यु

कञ्चनपुर, २२ जेठ । कञ्चनपुरमे करेन्ट लागके १ जहनके मृत्यु हुइल बा । जिल्लाके बेलौरी नगरपालिका वडा नम्बर ३ गोकुलपुरके २५ वर्षिय सन्तोष चौधरीके करेन्ट लागके मृत्यु हुइल हो ।

शनिच्चरके अपन घरमे रहल पसलके उप्पर लगाइल पुरान होडिङ बोर्ड निकारके छतसे तरे कराइबेर विद्युतके मूल लाइनमे छुके करेन्ट लागल जिल्ला प्रहरी कार्यालय कञ्चनपुरके प्रवक्ता प्रहरी नायव उपरीक्षक अमरबहादुर थापा क्षेत्री जानकारी डेलैं ।