लागुऔषध ब्राउनसुगर सहित २ पक्राउ

धनगढी, २३ जेठ । कैलालीके भजनीसे लागु औषध ब्राउनसुगर सहित २ जाने पक्राउ परल बाटैं । इलाका प्रहरी कार्यालय भजनीसे खटल प्रहरी टोली विशेष सूचनाके आधारमे भजनी नगरपालिका–३, जोशीपुर सडक खण्डके जोडीपिपल कना स्थानसे लागु औषध ब्राउनसुगर सहित २ जहनहे पक्राउ करल बा ।

प्रहरीके अनुसार अनटेस्ट करिया रंगके पल्सर मोटरसाइकलहे रोक्के चेकजाँच करेबेर मोटरसाइकलमा सवार बर्दगोरिया गाउँपालिका वडा नम्बर १ कट्टीपुरके २५ वर्षिय धिरेन्द्र बम ओ मुडा गाउँके २४ वर्षिय डबल भुलहे पक्राउ करल हो ।

ओइनके साथसे प्रहरी लुकाछिपाके नानल ३० ग्राम लागु औषध (खैरो हेरोइन) जस्टे डेखैना धुरजैसिन पदार्थ फेला पारके बरामद करल हो । प्रहरी लागु औषध ब्राउनसुगर शीर्षकमे मुद्दा दर्ता करके थप अनुसन्धान कार्य हुइटीरहल जनैले बा ।