थप ३ हजार ३७० मे कोरोना पुष्टि, ६ हजार ९५१ जने संक्रमणमुक्त
काठमाडौं, २४ जेठ । २४ घण्टामे देशभर ३ हजार ३७० जहनमे कोरोना संक्रमण पुष्टि हुइल बा । स्वास्थ्य तथा जनसंख्या मन्त्रालयके अनुसार टमान जिल्लामे करल १२ हजार २ पीसीआर परीक्षणमे ३ हजार ३७० जहनमे कोरोना पुष्टि हुइल हो ।
अस्टेक, ५ हजार ९०१ एन्टिजेन परीक्षणमे १ हजार १०२ जहनमे कोरोना संक्रमण डेखाइल बा । पीसीआर ओ एन्टिजेन परीक्षणसे कुल ४ हजार ४७२ जहनमे संक्रमण पुष्टि हुइल मन्त्रालय जनैले बा । यीसँगे नेपालमे पीसीआर परीक्षणसे कोरोना डेखाइल संख्या ५ लाख ९१ हजार ४९४ पुगल बा ।
अस्टेक, २४ घण्टामे ६ हजार ९५१ जने कोरोना संक्रमणमुक्त हुइल बटैं । यीसँगे कोरोना संक्रमण हुके चोखुइयाके संख्या ४ लाख ९७ हजार ९६० पुगल बा । नेपालमे सक्रिय संक्रमितके संख्या ८५ हजार ५४४ पुगल बा । क्वारेन्टाइनमे ७१८ जाने रहल बटैं ।
मन्त्रालयसे डेहल जानकारी अनुसार देशभर करके थप ९२ जहनके मृत्यु हुइल बा । यीसँगे नेपालमे कोरोनासे मृत्यु हुइनाके संख्या ७ हजार ९९० पुगल बा ।
