चितुवाके छालासहित २ जाने पक्राउ

धनगढी, २७ जेठ । चितुवाके छालासहित काठमाडौंके कीर्तिपुरसे प्रहरी २ जहनहे पक्राउ करले बा । पक्राउ परुइयामे बझाङ घर रहल २९ वर्षिय नारायण ठगुन्ना ओ दार्चुलाके गिरिजा सिंह ठगुन्ना बटैं ।

उहाँहुकनके साथसे एकथान चितुवाके छाला बरामद करल महानगरीय प्रहरी परिसर काठमाडौंके प्रवक्ता (एसपी) रमेश बस्नेत बटैलैं ।

सुदूरपश्चिम घर रहल दुनु जाने काठमाडौंके कीर्तिपुरमे डेरा करके बैठ्टी आइल रहैं । गोप्य सूचनाके आधारमे प्रहरी ओइनहे पक्राउ करल हो ।