चौराहामे हुइल दुर्घटनामे थप १ के मृत्यु

धनगढी, ४ असार । गैल अँट्वार धनगढी चौराहामे मोटरसाइकल दुर्घटनामे परल औरे १ जहनमे मृत्यु हुइल बा । अँट्वार साँझ चटकपुरसे भन्सार ओर जैटिरहल से ५ प २६७१ नम्बरके मोटरसाईकल ट्राफिक चौराहामे दुई साईकलहे ठक्कर डेके ४ जहन घाहिल हुइल रहैं ।

दुर्घटनाम घाहिल हुइल मोटरसाईकल चालक धनगढी उपमहानगरपालिका वडा नम्बर ६ के २२ वर्षिय मोहनप्रसाद जोशीके मृत्यु हुइल बा । शुकके बिहान उपचारके क्रममे उहाँक मृत्यु हुइल जिल्ला प्रहरी कार्यालय कैलालीके प्रहरी नायव निरीक्षक प्रतिक विष्ट जानकारी डेलैं ।

यीआघे दुर्घटनाके दिन साइकल यात्री कैलालीके भजनी नगरपालिका १ के साधुराम डंगौराके उपचारके क्रममे मृत्यु हुइल रहे ।

अस्टेक, मोटरसाइकलमे सवार धनगढी उपमहानगरपालिका वडा नम्बर ६ के २२ वर्षिय माधवप्रसाद भट्ट गम्भीर घाहिल हुइल बटैं । उहाँक धनगढीस्थित निसर्ग अस्पतालके आईसीयूमे उपचार हुइटीरहल जनागिल बा । १ जाने साईकलयात्रीके अवस्था सामान्य रहल प्रहरी जनैले बा ।