३ हजार ५९७ जाने संक्रमणमुक्त, १ हजार ८८९ मे कोरोना पुष्टि
काठमाडौं, १६ असार । २४ घण्टामे देशभर १ हजार ८८९ जहनमे कोरोना संक्रमण पुष्टि हुइल बा । स्वास्थ्य तथा जनसंख्या मन्त्रालयके अनुसार बुधके रोज टमान जिल्लामे करल ७ हजार १८७ पीसीआर परीक्षणमे १ हजार ८८९ जहनमे कोरोना पुष्टि हुइल हो ।
अस्टेक, ४ हजार ३८१ एन्टिजेन परीक्षणमे १ हजार ३ जहनमे कोरोना संक्रमण डेखाइल बा । पीसीआर ओ एन्टिजेन परीक्षणसे कुल २ हजार ८९२ जहनमे संक्रमण पुष्टि हुइल मन्त्रालय जनैले बा । यीसँगे नेपालमे पीसीआर परीक्षणमे कोरोना डेखाइलके संख्या ६ लाख ३८ हजार ८०५ पुगल बा ।
अस्टेक, २४ घण्टामे ३ हजार ५९७ जाने कोरोना संक्रमणमुक्त हुइल बटैं । यीसँगे कोरोना संक्रमण हुके ठिक हुइलके संख्या ५ लाख ९६ हजार १३२ पुगल बा ।
मन्त्रालयसे डेहल जानकारी अनुसार देशभर करके थप ४१ ज्हनके मृत्यु हुइल बा । यीसँगे नेपालमे कोरोनासे मृत्यु हुइलके संख्या ९ हजार ११२ पुगल बा ।
