मर्सिकोरसे अक्सिजन सिलिण्डर ओ कन्सन्ट्रेटर सहयोग

पहुरा समाचाराता
हसुलिया, १७ असार । मर्सिकोर नेपालसे कैलारी गाउँपालिकाहे अक्सिजन सिलिण्डर ओ कन्सन्ट्रेटर सहयोग करले बा ।

कोभिड बिरामीके उपचारमे सहयोग पुगैना उद्देश्यसे मर्सिकोर ४८ लिटरके १० ठो सिलिण्डर ओ १० लिटरके पाँच ठो अक्सिजन कन्सन्ट्रेटर सहयोग करल हो ।

उ संस्थाके प्रतिनिधि आज उ सामग्री गाउँपालिकाके उपाध्यक्ष लक्ष्मी सत्गौंवाहे हस्तान्तरण करल गाउँपालिकामे कार्यरत कर्मचारी रविन्द्र चौधरी जानकारी डेलै ।

स्वास्थ्य सामग्री हस्तान्तरण अवसरमे गाउँपालिकाके स्वास्थ्य शाखा प्रमुख वीरेन्द्र सापकोटाकेफे उपस्थिति रहल रहे ।