सेती अस्पतालमे थप १९ जहनमे कोरोना संक्रमण पुष्टि

धनगढी, १८ असार । सेती प्रादेशिक अस्पतालमे थप १९ जहनमे कोरोना संक्रमण पुष्टि हसइल बा । बिटल २४ घण्टामे अस्पतालमे ९९ जहनके नमुना परीक्षण करलमे १९ जहनमे संक्रमण पुष्टि हुइल अस्पतालके सूचना अधिकारी दिलिपकुमार श्रेष्ठ बटैलैं ।

बिटल २४ घण्टामे अस्पतालमे थप ७ जाने नयाँ संक्रमित भर्ना हुइल बटैं ।

हाल अस्पतालमे १८ जाने संक्रमित उपचाररत बटैं । जोनमध्ये ६ जाने संक्रमित आईसीयूमे ओ ३ जाने भेन्टिलेटरमे उपचाररत रहल अस्पताल जनैले बा ।