थप १७ जनहनमे कोरोना पुष्टि

पहुरा समाचारदाता
धनगढी, २१ असार । धनगढीस्थित सेती प्रादेशिक अस्पतालके प्रयोगशालामे करल परीक्षणमे सोम्मारके १७ जनहनमे कोरोना भाइरसके संक्रमण पुष्टि हुइल बा ।

सेती प्रादेशिक अस्पतालके प्रयोगशालामे १११ नमूना परीक्षण करेबर १७ जनहनमे संक्रमण पुष्टि हुइल अस्पतालके सूचना अधिकारी दिलिपकुमार श्रेष्ठ जानकारी डेलै ।

ओहकान अनुसार धनगढीके २ कैलालीके १२ ओ अन्य जिल्लाके ३ सहित १७ जनहनमे कोरोना संक्रमण डेखल जनाइल बा । हाल अस्पतालमे ११ जाने संक्रमित उपचाररत रहल बाटै ।

पाछेक २४ घण्टामे सेती अस्पतालमे ४ जाने चोखाके घर जासेकल बाटै । ओस्टके पाछेक २४ घण्टामे अस्पतामे केक्रो फेन मृत्यु नैहुइल अस्पताल जनैले बा ।