खोप उत्पादक देशसँग नेपाल मागल थप खोप
काठमाडौं, ४ सावन । सरकार नेपालहे अनुदान वा खरिदमार्फत थप खोप उपलब्ध करैना खोप उत्पादक देशहे आग्रह करले बा ।
मन्त्रिपरिषद्के सोम्मार बैठल बैठकसे नेपालहे खोप ओ अत्यावश्यक स्वास्थ्य सामग्री उपलब्ध करैना सब देशहे धन्यवाद डेना निर्णय करले बा ।
‘साथे अनुदान वा खरिदमार्फत थप खोप उपलब्ध करैना खोप उत्पादक तथा अन्य मित्र राष्ट्रहे आह्वान करले बटि,’ सरकारके प्रवक्ता एवं कानूनमन्त्री ज्ञानेन्द्रबहादुर कार्की कलैं ।
हाल नेपालमे भारतमे उत्पादित कोभिशिल्ड, चीनमे उत्पादित भेरोसेल ओ अमेरिकामे बनल जोन्सन एण्ड जोन्सनके खोप लगाइल बा । भारत ११ लाख डोज खोप अनुदानमे डेले रहे कलेसे नेपाल १० लाख डोज खरिद करले रहे । चीन १८ लाख डोज भेरोसेल खोप अनुदान डेले बा कलेसे नेपाल खरिद करके फेन नन्ले बा ।
हाल अमेरिका कोभ्याक्स कार्यक्रमअन्तर्गत डेहल जोनसन एण्ड जोनसन कम्पनीके १५ लाख ३४ हजार ८५० डोज खोप २८ असारमे काठमाडौं नानल रहे ।
