सेती अस्पतालमे कोरोना परीक्षण नैहुइल

धनगढी, ७ सावन । सेती प्रादेशिक अस्पतालके प्रयोगशालामे बिफेक रोज कोरोना परीक्षण शून्य रहल बा ।

बिटल २४ घण्टामे अस्पतालके प्रयोगशालामे कौनो फेन नमूनाके परीक्षण नैहुइल अस्पतालके सूचना अधिकारी दिलिपकुमार श्रेष्ठ जानकारी डेलैं ।

उहाँक अनुसार हाल अस्पतालमे १८ जाने संक्रमित उपचाररत बटैं । जोनमध्ये २ जाने संक्रमित आईसीयूमे उपचाररत रहल बटैं । अस्टेक गैल २४ घण्टामे थप २ बिरामी अस्पतालमे भर्ना हुइल बटैं कलेसे २ जाने संक्रमित ठिक होके घर लौठल बटैं ।