थप २०७९ जहनमे कोरोना संक्रमण
काठमाडौं, ४ भदौं । बिटल २४ घण्टामे २ हजार ७९ जहनमे कोरोना भाइरस संक्रमण डेखाइल बा । स्वास्थ्य तथा जनसंख्या मन्त्रालयके अनुसार १० हजार ५ सय ३० पीसीआर परीक्षणमे शुकके रोज थप २ हजार ७९ जहनमे संक्रमण पुष्टि हुइल हो ।
अस्टेक एन्टिजेन विधिसे करल ७ हजार १ सय २४ परीक्षणसे ९ सय ६३ जहनमे पोजिटिभ डेखाइल बा । २४ घण्टामे पीसीआर ओ एन्टिजेन विधिसे करल १७ हजार ६ सय ५४ परीक्षणमे ३ हजार ४२ जहनमे संक्रमण पुष्टि हुइल मन्त्रालय जनैले बा । यीसँगे नेपालमे कोरोना संक्रमण हुइनाके संख्या ७ लाख ४४ हजार ३ सय ७ पुगल बा ।
पछिल्का २४ घण्टामे थप २ हजार २४४ जाने संक्रमणमुक्त हुइल बटैं । हालसम नेपालमे कोरोनामुक्त हुइनाके संख्या ६ लाख ९३ हजार ५ सय ४३ बा ।
नेपालमे कोरोना संक्रमणसे थप २६ जहनके मृत्यु हुइल बा । यीसँगे नेपालमे कोरोनासे मृत्यु हुइनाके संख्या १० हजार ४ सय ५५ पुगल बा ।
