घोडाघोडीमे भदौ ७ गतेसे भेरोसेलके डुसरा डोज लगैना

पहुरा समाचारदाता
सुखड, ५ भदौ । कैलालीके घोडाघोडी नगरपालिकामे भदौ ७ गतेसे कोरोनाविरुद्धके भेरोसेलके डुसरा डोज लगैना हुइल बा ।

नगरपालिकासे इहीसे आघे तोकल १२ ठो केन्द्र मार्फत भेरोसेलके डुसरा डोज लगाइ लागल हो । नगरके १२ वडामे भदौ ७ ,८ ओ ९ गते भेरोसेलके डुसरा खोप लगाजैना स्वास्थ्य शाखा प्रमुख कैलास कुमार रावत बटैलै । रावत गत सावन १३ गतेसे १६ गतेसम लगाइल कोरोना विरुद्धके भेरोसेलके पहिल डोज खोप कार्यक्रममे सहभागिहे डुसरा डोज लगाइल लागल बटैलै ।

खोप लगाइ आइबर इहीसे आघेक भेरोसेलके पहिल डोज खोप लगाइल कार्ड अनिवार्य लन्ना आग्रह करल बा ।