२ हजारसे ढिउर संक्रमणमुक्त
काठमाण्डौं, १९ भदौ । पाछेक २४ घण्टामे एक हजार दुई सय ६८ जनहनमे कोरोना संक्रमण पुष्टि हुइल बा । नौ हजार आठ सय ७५ जनहनके नमूना परीक्षण करेबर एक हजार दुई सय ६८ जनहनमे कोरोना संक्रमण पुष्टि हुइल स्वास्थ्य तथा जनसंख्या मन्त्रालय जनैले बा ।
पाछके २४ घण्टामे करल परीक्षणमध्ये १३ दशमलव २४ प्रतिशतमे संक्रमण पुष्टि हुइल हो । शनिच्चरके थपलसंगे नेपालमे कोरोना संक्रमण पुष्टि हुउइयाके संख्या आठ लाख ५३ हजार दुई सय ३२ पुगल बा । ओस्टके पाछेक २४ घण्टामे दुई हजार एक सय ९५ जाने चोखाइलसंगे कोरोना संक्रमणमुक्त हुउइयाके संख्या सात लाख २५ हजार ६ सय ५१ पुगल बा । थप नौ जाने कोरोना संक्रमणके कारण ज्यान गुमैले बाटै ।
इ सहित कोरोना संक्रमणके कारण ज्यान गुमुइयाके संख्या १० हजार आठ सय १८ पुगल बा । अब्बे नेपालमे ३१ हजार आठ सय २६ जाने कोरोना भाइरसके सक्रिय संक्रमित रहल बाटै । सक्रिय संक्रमित मध्ये पाँच सय ५४ जाने आईसीयू ओ एक सय ७२ जनहनके भेन्टीलेटरमे उपचार हुइटी रहल बा ।
अस्टेक, सेती प्रादेशिक अस्पतालमे शनिच्चरके करल कोरोना परिक्षणमे थप २६ जनहनमे कोरोना संक्रमण पुष्टि हुइल बा । पाछेक २६ घण्टामे १२६ नमूनाके कोरोना परिक्षण करलमे २६ जनहनमे संक्रमण पुष्टि हुइल हो ।
अस्पतालके सूचना अधिकारी दिलिप कुमार श्रेष्ठके अनुसार पाछेक २४ घण्टामे ३ जाने अस्पतालमे भर्ना हुइल बाटै । हाल सेतीमे १४ जाने कोरोना संक्रमितके उपचार हुइटी रहल बा ।
जौनमध्ये ४ जनहनके आइसियु ओ २ जनहनके भेन्टिलेटरमे उपचार हुइटी रहल अस्पतालके सूचना अधिकारी श्रेष्ठ जनाकारी डेलै ।
