सेती प्रयोगशालामे ३१ जनहनमे कोरोना पुष्टि

धनगढी, ३० भदौ । सेती प्रादेशिक अस्पताल अस्पतालके प्रयोगशालामे बुधके ३१ जनहनमे कोरोना पुष्टि हुइल बा । पाछेक २४ घण्टामे ८५ जनहनके नमूनाके कोरोना परिक्षण करलमे ३१ जनहनमे संक्रमण पुष्टि हुइल हो ।

हाल सेतीमे १५ जाने कोरोना संक्रमितके उपचार हुइटी रहल बा । जौन मध्ये ८ जनहनके आइसियु ओ ५ जनहनके भेन्टिलेटरमे उपचार हुइटी रहल अस्पतालके सूचना अधिकारी दिलिप कुमार श्रेष्ठ जनाकारी डेलै ।