सेती प्रयोगशालामे १४ जनहनमे कोरोना पुष्टि

पहुरा समाचारदाता
धनगढी, ३१ भदौ । सेती प्रादेशिक अस्पताल अस्पतालके प्रयोगशालामे बिफेक रोज १४ जनहनमे कोरोना पुष्टि हुइल बा ।

पाछेक २४ घण्टामे ७३ जनहनके नमूनाके कोरोना परिक्षण करलमे १४ जनहनमे संक्रमण पुष्टि हुइल हो ।

ओस्टके पाछेक २४ घण्टामे ४ जाने कोरोना संक्रमित अस्पतालमे भर्ना हुइल अस्पतालके सुचना अधिकारी दिलिप कुमार श्रेष्ठ जनाकारी डेलै ।

ओहकान अनुसार हाल अस्पतालमे १९ जाने कोरोना संक्रमितके उपचार हुइटी रहल बा । जौन मध्ये ८ जनहनके आइसियु ओ ५ जनहनके भेन्टिलेटरमे उपचार हुइटी रहल जनाइल बा ।