धनगढीमे क्यान्सर अस्पताल सञ्चालनमे अइना
पहुरा समाचारदाता
धनगढी, ६ कुँवार । सुदूरपश्चिममे क्यान्सर अस्पताल सञ्चालनमे अइना हुइल बा । व्यावसायी दुर्गाप्रसाद प्रसाईँ सुदूरपश्चिमके धनगढीमे क्यान्सर अस्पताल खोल्न बटैले बाटै ।
मंगरके धनगढीमे करल पत्रकार सम्मेलनमे बी एण्ड सीके सञ्चालकसमेत रहल प्रसाई उ बात जानकारी कराइल हुइट । धनगढीमे अस्पताल सञ्चालन करे परठ् कना इ क्षेत्रके आपन संघरियाहुक्रनके प्रस्ताव आइलपाछे अस्पतालके सम्भाव्यता अध्ययनके क्रममे अपनेू धनगढी आइल प्रसाईं बटैलै ।
झापामे सुविधासम्पन्न क्यान्सर अस्पताल सञ्चालनमे आइलपाछे काठमाडौं ओ सुदूरपश्चिममे फेन सुविधासम्पन्न अत्याधुनिक क्यान्सर अस्पताल खोल्न आपन योजना रहल उहाँ बटैलै । अब्बे अस्पताल निर्माण ओ सञ्चालनके लाग उपयुक्त ठाउँमे जग्गाके खोजी हुइटी रहल उहाँ बटैलै ।
क्यान्सर अस्पताल सञ्चालनमे आइल कलेसे इन्डिया लगायत ठाउँमे महंगो उपचार कराइ जैना बाध्य रहल इ क्षेत्रके जनताहुक्रनहे राहत मिल्ना उहाँ बटैलै ।
