४ सय ५५ जानेक निःशुल्क आँखी परीक्षण

पहुरा समाचारदाता
हसुलिया, २७ कार्तिक । कैलालीके कैलारी गाउँपालिकास्थित हसुलियामे शनिच्चर चार सय ५५ जानेक आँखीक परीक्षण करल बा ।

कैलारी गाउँपालिकाके कार्यालय ओ गेटा आँखा अस्पतालके संयुक्त आयोजनामे एक दिने निःशुल्क आँखा शिविर सञ्चालन करके आँखा परीक्षण करल हो । शिविरमे ३०८ जाने महिला ओ १४७ जाने पुरुष आँखी परीक्षण कराइल कैलारी गाउँपालिकाके स्वास्थ्य शाखा प्रमुख वीरेन्द्र सापकोटा जानकारी डेलै ।

परीक्षण करल मन्से मन्से ७२ जनहनहे मोती बिन्दुके समस्या डेखल बा । ओइनके मोती बिन्दुके अपरेशनके लाग गेटा आँखा अस्पतालमे रिफर करल बा । ओस्टेक करके, शिविरमे आँखा जाँच कराई आइल ४० वर्ष उप्परके २०० जनहनहे निःशुल्क चस्मा प्रदान करल बा ।

आँखा जाँच कराइल हुकनहे औषधिसमेत डेहल रहे । गेटा आँखा अस्पतालमे कार्यरत नेत्र अधिकृतहुक्रे आँखा परीक्षण करल रहिट ।