शनिच्चर सुदूरपश्चिम राजधानी कपके फाइनल खेल
पहुरा समाचारदाता
धनगढी, ९ पुस । कैलालीके अत्तरियामे हुइटी रहल सुदूरपश्चिम राजधानी कप २०७८ के फाईनल खेल शनिच्चरसे हुइना बा ।
पिएफए स्पोटर््स क्लवके आयोजनामे हुइटी रहल टिसरा संस्करणके सुदूरपश्चिम राजधानी कप महिला तथा पुरुष फुटवल प्रतियोगिताके फाईनल शनिच्चर हुई लागल हो । गोदावरी नगरपालिका–८ मे रहल शिवशक्ती युवा क्लवके खेल मैदान स्याउलेमे हुइटी रहल प्रतियोगिताके पुरुषओरके उपाधिके लाग आयोजकके टीम वनदेवी युवा क्लव ओ रेसिङ सहारा कोहलपुर भिरही ।
सेमीफाईनलमे वनदेवीसे सुदुरपश्चिम फुटवल एकेडेमीहे ५–१ से हराके उपाधि लग्गे पुगल हो । रेसिङ सहारासे फारवेष्ट पशुपति युवा क्लवहे ३–० से हराके फाईनल पुगल हो । महिलाओरके उपाधिके लाग धनगढीके मनकामना युवा क्लव ओ कञ्चनपुरके रोयल गोखार्ज भिरना हुइल बटै । मनकामनासे सेमीफाईनलमे आयोजक अत्तरिया एफसीहे सडनडेथमे ४–३ हराइल हो । मनकामनासे भर दाङके स्पोर्टस स्कुल फुटवल एकेडेमीहे ३–२ से हराके उपाधि लग्गे पुगल हो । शनिच्चर दुनु फाईनल खेल हुई । समापन कार्यक्रमके प्रमुख अतिथि गोदावरी नगरपालिकाका उपप्रमुख रत्ना कठायत रहल बटी ।
प्रतियोगिताके पुरुषओर विजेता टिम ५ लाख ओ उपविजेता २ लाख ५० हजार नगद सहित ट्रफी ओ मेडल प्राप्त करही । महिलाओरके विजेता १ लाख ५० हजार ओ उपविजेतासे ७५ हजार रुप्या नगद सहित ट्रफी ओ मेडल प्राप्त करही ।
