एक्के दिनमे ४० संक्रमित ठप्लैं
पहुरा समाचारदाता
धनगढी, २० पुस । सुदूरपश्चिम प्रदेशमे कोरोना संक्रमण दर बह्रटी गैल बा ।
सुदूरपश्चिम प्रदेश सामाजिक विकास मन्त्रालय स्वास्थ्य निर्देशनालय डोटीसे डेहल जानकारी अनुसार पछिल्का २४ घण्टामे ४० जाने संक्रमित ठपल बटै ।
९ सय १७ जानेक एन्टीजेन विधिसे परिक्षण करेबेर ३२ जनहनमे कोरोना पोजेटिभ डेहल बा कलेसे ५५ जानेक आरटी पीसिआर विधिसे परिक्षण करेबेर ८ जनहनमे कोरोना पोजेटिभ डेखल मन्त्रालय जनैले बा । सोम्मारके रोज सुदूरपश्चिम प्रदेशमे २३ जाने संक्रमित ठपल रहिट ।
सोम्मार तुलनामे मंगर करिब दोब्बर संक्रमित ठप्लेसेफे ४ जाने केल कोरोनासे ठिक हुइल मन्त्रालय जनैले बा । प्रदेशमे हालसम एन्टीजेन ओ आरटी पीसिआर विधिसे ४ लाख ३३ हजार २ सय ३१ जानेक कोरोना परिक्षण करेबेर ४८ हजार ३ सय ४४ जनहनमे कोरोना पोजेटिभ डेखा परल रहे कलेसे ३ लाख ८४ हजार ८ सय ८७ जानेक निगेटिभ रिपोर्ट आइल रहे । हालसम प्रदेशमे ६ सय १४ जाने कोरोना संक्रमणसे ज्यान गैल बा ।
अब्बे पीसिआरके ५४ ओ एन्टीजेनके ४ जाने करके १ सय ३ सक्रिय संक्रमित रहल मन्त्रालय जनैले बा ।
