ओरेक नेपालके अध्यक्षमे रेणु अधिकारी

पहुरा समाचारदाता
धनगढी, २५ पुस । ओरेक नेपालके १५ औँ अधिवेशनसे डा. रेणु अधिकारीके अध्यक्षतामे लौवा कार्यसमिति चयन करल बा ।

जेकर उपाध्यक्षमे निर्मला पाण्डे, सचिवमे सविता पोखरेल, कोषाध्यक्षमे इन्द्रामती नेम्वाङ, सदस्यमे रीता कुमारी शाह, सूर्य कुमारी गुरुङ्ग , पदमा चौधरी, संगिता अधिकारी ओ डा. रोजी जोशी रहल बटै । अधिवक्ता दलबहादुर धामीके संयोजकतामे निर्वाचन समितिसे आबके २ वर्षके लाग नयाँ कार्यसमितिके चयन करल बा ।

उ समारोहके पहिल दिनके उद्घाटन कार्यक्रमके अध्यक्षता संस्थाके अध्यक्ष रामवती चौधरी थारु करल रहिट । कार्यक्रमके मुख्य अतिथि संघीय राष्ट्रिय सभा सदस्य तथा ओरेकके आजिवन सदस्य माननिय डा. विमला राई पौड्याल रहिट । कार्यक्रमके शुरुवात संस्थाके सचिव चाँदनी राणा स्वागत मन्तव्य राखल रहिट ।