हिमशिखर सहकारीके अध्यक्षमे फेनसे भण्डारी
पहुरा समाचारदाता
धनगढी, २६ पुस । हिमशिखर बहुउदेश्यीय सहकारी संस्था लिमिटेडके अध्यक्षमे फेनसे दुर्गाप्रसाद भण्डारी चयन हुइल बटैं ।
धनगढी उपमहानगरपालिका–५, तारानगरस्थित अँट्वार निम्जल १३ औं साधारण सभा दुर्गाप्रसाद भण्डारीके अध्यक्षतामे ११ सदस्यीय समिति चयन करल हो । सहकारीके यिहिनसे आघे ९ सदस्यीय सञ्चालक समिति रहे ।
साधारण सभासे उपाध्यक्षमे रोशन सिंह, सचिवमे विमलकुमार जोशी, कोषाध्यक्षमे लक्ष्मीराज भट्ट चयन हुइल बटैं । ओस्टेक, सदस्यमे महेश जोशी, विष्णुदेवी पुरी ओ धिरेन्द्रबहादुर शाही, तिलकबहादुर बोहरा, ऋषिकेश श्रेष्ठ, मेखराज भट्ट ओ पुष्पा देउवा चयन हुइल बटैं ।
साधारण सभासे लेखा सुपरिवेक्षक समितिके संयोजकमे पुष्पराज ओझा तथा सदस्यमे निमप्रसाद मिश्र ओ खेमराज अवस्थीहे चयन करले बा ।
यकरआघे साधारण सभाके उद्घाटन सुदूरपश्चिम प्रदेशके भौतिक पूर्वाधार विकासमन्त्री दीर्घ सोडारी करले रहैं । कार्यक्रम सहकारीके अध्यक्ष दुर्गाप्रसाद भण्डारीके अध्यक्षतामे हुइल रहे ।
कार्यक्रममे राष्ट्रिय सहकारी महासंघके पूर्व सञ्चालक समिति सदस्य भोजबहादुर बम, जिल्ला सहकारी संघ कैलालीके अध्यक्ष फणि सापकोटा, कृषि ज्ञान केन्द्र धनगढीके प्रमुख खगेन्द्र शर्मालगायत शुभकामना व्यक्त करले रहैं । कार्यक्रमके सञ्चालन सचिव विमलकुमार जोशी करले रहैं कलेसे स्वागत उपाध्यक्ष रोशन सिंह करले रहैं ।
सहकारीके अत्तरिया ओ कैलारी गाउँपालिकाके हसुलियामे शाखा सञ्चालनमे बा ।
सम्बन्धित समाचार
