शिक्षा स्वास्थ्य खाद्य ओ अवासके अधिकारबारे छलफल
पहुरा समाचारदाता
धनगढी, २७ पुस । शिक्षा स्वास्थ्य खाद्य ओ अवासके अधिकारबारे अवस्थामे प्रदेशके भूमिका विषयमे छलफल कार्यक्रममे कैगिल बा ।
अनौपचारिक सेवा केन्द्र(इन्सेक) सुदूरपश्चिम प्रदेशके आयोजनामे मंगरके रोज सरोकारवाला निकायसे छलफल कैगिल हो । कार्यक्रममे इन्सेकके प्रदेश संयोजक खडकराज जोशी सहजीकरण करटी करले रहिट ।
कार्यक्रममे कृषि सामाग्री सस्थानके चन्द्र प्रकाश भट्ट माग अनुसार मलखाद नइआके कोटा अनुसार आइल कारण किसान चाहल अन्सार मल नइपाइल बटैलै । ओस्टेक साल्टट्रेडिङ कार्पोरेशन लिमिटेडके रामचन्द्र जोशीफे चाहल अनुसार मलखाद नइआइल वितरणमे समस्या हुइल बटैलै ।
सामाजिक विकास मन्त्रालय स्वास्थ्य शाखाके हेमराज खडका कोरोनाके टिसरा लहर अइटी रहल मने प्रदेश तयारी करलेसे सक्कु जाने सचेत हुइना बटैलै । शिक्षा शाखाके शाखा अधिकृत लोकेन्द्र प्रसाद भट्ट विद्यार्थीके अनुपातके शिक्षक दरबन्दी मिलानमे समस्या हुइटी रहल बटै । राष्ट्रिय मानवअधिकार आयोग सुदूरपश्चिम प्रदेश संयोजक मोहनदेव जोशी शिक्षा स्वास्थ्य खाद्य ओ अवासके अधिकारबारे बनल ऐन कानून कार्यान्वयनके कमी रहल बटैलै ।
गोदावरी मानवअधिकार निगरानी समूहके संयोजक नरदिप धामी शिक्षा स्वास्थ्य खाद्य ओ अवासके अधिकारबारे स्थानीयतहमे वेथिति रहल बटैलै । कार्यक्रमके संचालन दिपक नेपाली करले रहिट ।
