राप्रपासे अक्सिजन कन्सन्ट्रेटर सहयोग

पहुरा समाचारदाता
धनगढी, २८ पुस । राष्ट्रिय प्रजातन्त्र पार्टी (राप्रपा) जिल्ला कार्यसमिति कैलालीसे कैलारी गाउँपालिकाहे अक्सिजन कन्सन्ट्रेटर सहयोग करले बा ।

उ पार्टीसे कोभिडके बिरामीके उपचारमे सहयोग पुग्ना कहटी सातठो अक्सिजन कन्सन्ट्रेटर सहयोग करल हो । राप्रपा कैलालीके अध्यक्ष होमबहादुर गुरुङ बुधके गाउँपालिकाके अध्यक्ष लाजुराम चौधरीहे अक्सिजन कन्सन्ट्रेटर हस्तान्तरण करल रहिट ।

उ क्रममे गुरुङ कोरोना सङ्क्रमितके बिरामीके उपचारमे सहयोग पुगाइक लाग गाउँपालिकाहे अक्सिजन कन्सन्ट्रेटर डेहल बटैलै । उहाँ अमरधन मेमोरियल फाउन्डेशनमार्फत अक्सिजन कन्सन्ट्रेटर आइल उल्लेख करलै ।

डुसरा लहरके सङ्क्रमणके क्रममे कैलारी गाउँपालिका वडा नम्बर ५ के बैजपुरमे अस्थायी कोभिड अस्पताल सञ्चालन कैके कोरोना सङ्क्रमित बिरामीके उपचार करल रहे । पाछेक समय फेनसे सङ्क्रमण बह्रे लागल बा ।