माघमे तीन दिनके बिदा माग
पहुरा समाचारदाता
कञ्चनपुर, २९ पुस । शुक्लाफाँटा नगरपालिकाके थारु समुदाय माघ टिहुवारके अवसरमे तीन दिन सार्वजनिक बिदा डेहे पर्र्ना माग कैले बाटै ।
उहाँहुक्रे सार्वजनिक बिदाके माग कैटी नगरपालिका कार्यालय पुगके नगर प्रमुख लगायतहे ध्यानाकर्षण कराइल हुइट । आदिवासी जनजाति सङ्घ ओ नेपाल आदिवासी जनजाति महासंघमे आबद्ध पदाधिकारी पुस ३०, माघ १ ओ २ गते बिदा डेना माग करल हुइट ।
’बुधके नगर प्रमुख लगायतहे भेटके माघ एवंं थारु समुदायके लावा बरसके अवरसमे बिदा डेहे पर्र्ना लिखित रुपमे माग करल हुइटी’, आदिवासी जनजाति संघके सभापति हबलदार चौधरी कहलै’नगर प्रमुख इ बारे सकारात्मक जवाफ डेले बाटै ।’
नगर प्रमुख दिलबहादुर ऐर थारु समुदायके महान टिहुवार माघके अवसरमे नगरपालिका भिट्टर बिदा डेना सम्बन्धमे कार्यपालिका सदस्यसँग छलफल कैके निष्कर्षमे पुग्ना बटाइल रहिट । नगरपालिकामे बहुसंख्यक थारु जनजातिके बसोबास रहल बा ।
