देउवा–प्रचण्ड भेटवार्ता: वैशाखमे स्थानीय चुनाव कैना सहमत
काठमाडौं, ३ माघ । प्रधानमन्त्री तथा नेपाली कांग्रेसके सभापति शेरबहादुर देउवा ओ नेकपा (माओवादी केन्द्रके अध्यक्ष पुष्पकमल दाहाल ‘प्रचण्ड’ बीच भेटवार्ता हुइल बा । सोम्मार प्रधानमन्त्री निवास बालुवाटारमे हुइल दुई नेताबीचके भेटवार्तामे स्थानीय निर्वाचनके बारेमे बाटचित हुइल रहे ।
निर्वाचन आयोगसे स्थानीय तहके निर्वाचनके मिति तोक्न करल आग्रहबारे दुई नेताबीच हुइल छलफलमे संवैधानिक व्यवस्थाअनुसार तीन तहके निर्वाचित कैना दुनु नेता सहमत हुइल बटै ।
ओकर लाग ओइने मंगर सकारे नौ बजे उच्चस्तरीय राजनीतिक समन्वय समितिके बैठक बोलैना ओ समितिके सुझाव अनुसार चुनावके मिति तोक्न बारेमे समेत ओइनबीच छलफल हुइल प्रचण्डके स्वकीय सचिव रमेश मल्ल जानकारी डेलै ।
‘दुई नेताबीच संवैधानिक व्यवस्था अनुसार चुनाव कैना ओ ओकर लाग समन्वय समितिसंग समेत छलफल करके सरकारसे मिति तोक्नबारे छलफल हुइल बा । मल्ल कहलै, ‘ओकर लाग मंगर समितिके बैठक बोलैना निधो हुइल बा ।’
यी आघे माओवादी केन्द्र स्थानीयसहित तीनु तहके निर्वाचन एक्के चो करेबेर राज्यके सम्पत्ति कम खर्च हुइना कहटी प्रस्ताव आघे बढाइल रहे । मने, उ प्रस्तावमे आलोचना बढलपाछे संवैधानिक व्यवस्था अनुसार निर्वाचन कैना माओवादी तयार हुइल हो । साभारःरातोपाटीसे
