लोकसेवाके लिखित परीक्षा माघ मसान्तसम स्थगित

काठमाडौं, ६ माघ । कोरोना संक्रमण बह्रलपाछे लोकसेवा आयोगसे लिखित परीक्षा माघ मसान्तसम स्थगित करले बा ।

आयोगके बिफेकरोज बैठल बैठकसे लिखित परीक्ष माघ ११ से माघ मसान्तसमके लाग स्थगित कैना निर्णय करल सूचना अधिकारी देवी प्रसाद सुवेदी जानकारी डेलै ।

माघ ११ गतेसे उपसचिवके परीक्षा तय हुइल रहे । संगठित संस्थाके परीक्षा फेन यहे बिचमे तय हुइल रहे । ऊ परीक्षा अब्बेकलाग स्थगित हुइल बा ।

देशभर कोरोना संक्रमणके दर बह्रलपाछे ओ लोक सेवा आयोगके कर्मचारीओइनेफे संक्रमण पुष्टि हुइलपाछे आयोग परीक्षा स्थगित करेपर्ना दबावमे रहे ।

त्रिभुवन विश्वविद्यालयसे फेन वार्षिक ओ सेमेस्टर प्रणालीके सक्कु परीक्षा स्थगित कैले बा । शुक्रककेरोज ओ शनिच्चरके रोज हुइना प्रवेश परीक्षा भर यथावत रहना त्रिभुवन विश्वविद्यालय जनैले बा ।