अवैध सालके काठ बरामद

पहुरा समाचारदाता
धनगढी, १८ माघ । ईलाका प्रहरी कार्यालय सुखड लाहीक भुसाभिटर नुकाके धारल ५० ठो सालके कडि बरामद करले बा ।

सोम्मार रात साढे १० बजे कैलाली घोडाघोडी नगरपालिका वडा नं. ०५ सरैयामे लाहीक भुसासे नुकाइल अवस्थामे उ कठुवा बरामद करल जिल्ला प्रहरी कार्यालय कैलाली जनैले बा ।

बेवारिसे अवस्थामे सालके कठुवा बा कना गोप्य सूचनाके आधारमे उ ठाउँमे ईलाका प्रहरी कार्यालय सुख्खड कैलालीसे प्रहरी टोली खटके उहे ठाउँ बैठना प्रेम चौधरीके घर आंगनके छेउमे लाहीक भुसाभिटर सालके कडि थान ५० (पचास) (४ फिट, ५ फिट ओ ७ फिटके करके जम्मा २१ क्यु फिट) बरामद करल प्रहरी जनैले बा । उ कठुवा आवश्यक कारवाहीके लाग वन डिभिजन कार्यालय पहलमानपुर कैलाली पठाइल बा ।