हिमपातसे सावधानी अपनैना आग्रह
बैतडी, २२ माघ । लगातारके वर्षा ओ हिमपातसे जनजीवन प्रभावित हुइलपाछे जिल्ला प्रशासन कार्यालयसे सावधानी अपनैना आग्रह करले बा ।
बिफेसे हिमपात ओ वर्षासे यात्रा करेबेर समस्या हुई सेक्ना ओरसे यात्रामे नइनिकरना प्रशासनसे आग्रह करल हो । यहाँके अधिकांश क्षेत्रमे हिमपात हुइल बा ।
अत्याधिक जुरार बढल ओरसे सेकटसम बाहेर नइनेंग्ना आग्रह करल जिल्ला प्रशासन कार्यालयके सूचना अधिकारी खगेन्द्र भारती जानकारी डेलै । हिमपातके कारण यातायात समेत अवरुद्ध हुइल ओरसे यैसिन अवस्थामे यात्रामे नइनिकरना आग्रह करल हो ।
शनिच्चरसम मौसममे सुधार नइहुइना ओ जुरारसमेट बढटी रहल ओरसे वृद्धवृद्धा तथा बालबालिकाहुकनहे ढेर समस्या हुई सेक्ना कहटी गरम लुगाके साथे तातुल झोरहा खैना चिज खवैना जोड डेना समेत अनुरोध करल बा ।
यिहेबीच हिमपातके कारण यहाँके जनजीवनफे प्रभावित हुइल बा । हिमपातसे जुरार बढल ओरसे जनजीवन कष्टकर बनल हो । हिमपातसे जुरार बढल ओरसे जनजीवन कष्टकर बनल दशरथचन्द नगरपालिका १ मुस्याचौरके महेश भट्ट बटैलै । उहाँ कहलै, ‘वर्षा ओ हिमपातसे अत्यधिक जुरार बह्रल बा । बाहेर निकरना मुस्किल हुइल बा ।’
वर्षासंगे हिमपात हुइलपाछे किसान भर खुशी हुइल बटै । हिमपात ओ वर्षासे गोहुँ लगायतके हिउँदेबाली सप्रना कहटी किसान खुसी हुइल हुइट । यहाँ टिसरा चो हिमपात हुइल हो । यी आघे माघ दुसरा हप्ता ओ गैल पुसमे फे हिमपात हुइल रहे ।
