साढे चार किलो चरेससहित दुई पक्राउ

पहुरा समाचादरदाता
धनगढी,२२ माघ । कैलाली गौरीगंगा नगरपालिका– १० उदासीपुरस्थित भिटरके सडकखण्डमे साढे किलो चरेससहित दुई पक्राउ परल बटै ।

शनिच्चरके साँझ पौने चारबजे जिल्ला कैलाली गौरीगंगा नगरपालिका वडा नं. १० उदासीपुरस्थित भिटर सडकखण्डमे दुई जनहनहे ४ किलो ५०० ग्राम चरेशसहित पक्राउ करल जिल्ला प्रहरी कार्यालय कैलाली जनैले बा ।

पक्राउ परलमे जिल्ला बझाङ साविक खिरातडी गा.वि.स.७ घर रहल हाल जिल्ला कैलाली गौरीगंगा नगरपालिका वडा नं. ८ चमारीपुर बैठना बर्ष ५३ के मान बहादुर धामी ओ बर्ष ३० के बिर्ख धामी रहल बटै ।

जिल्ला प्रहरी कार्यालय, कैलालीसे खटल प्रहरी टोली ओइनथेनसे लागू औषध (चरेश) ४.५०० किलो (४ किलो ५०० ग्राम) सहित ओइने प्रयोग करल से.२ प.४११५ नम्बरके मोटरसाईकल समेत बरामद करले जिल्ला प्रहरी कार्यालय कैलाली जनैले बा । ओइनहे चरेश मुद्दामे थप अनुसन्धान प्रकृया आघे बढाइल बा ।