प्रदेशमे ६२ संक्रमित ठपेबेर १४९ जाने चोखैलै
पहुरा समाचारदाता
धनगढी,२७ माघ । सुदूरपश्चिम प्रदेशमे विफेक रोज ६२ जाने कोरोना भाइरसके संक्रमित ठपेबेर १ सय ४९ जाने चोखाइल बटै ।
स्वास्थ्य निर्देशनालयसे डेहल जानकारी अनुसार पछिल्का २४ घण्टामे एक हजार २ सय २४ जानेक कोरोना परिक्षण करेबेर ६२ जनहनमे संक्रमण पुष्टि हुइल बा कलेसे उहे अवधिमे १ सय ४९ जाने चोखाइल बटै । प्रदेश अब्बे आरटी पीसिआरके ४ सय ४ ओ एन्टीजेनके एक हजार पाँच सय ५१ जाने सक्रिय संक्रमित रहल जनागिल बा । ओस्टेक विफेक रोज प्रदेशके टमान नाकासे १ हजार एक सय ७ जाने नेपाल भिटरलमे २५ जनहनमे संक्रमण पुष्टि हुइल बा ।
ओस्टेक पछिल्का २४ घण्टामे देशभर १३६९ जनहनमे कोरोनाभाइरस संक्रमण पुष्टि हुइल बा कलेसे उहे अवधिमे २२ सय ३८ जाने कोरोना संक्रमणमुक्त बनल बटै । स्वास्थ्य तथा जनसंख्या मन्त्रालयसे बिफेक रोज जनाइल अनुसार ११ हजार ८८० जनहनमे नमुना परीक्षण करेबेर १३६९ जनहनमे कोरोना संक्रमण पुष्टि हुइल हो । ओस्टेक करके बिटल २४ घण्टामे १२ जाने कोरोनासे कारण ज्यान गुमैले बटै ।
ओस्टेक देशभर कोरोनासे ज्यान गुमुइयाके कुल संख्या ११ हजार ८६४ जाने पुगल बा । आस्टेक करके हालसम कुल संक्रमितके संख्या पीसीआर विधिसे हुइल परीक्षणमे ९ लाख ७१ हजार ४७५ जाने ओ एन्टिजेन विधिसे हुइल परीक्षणमे १ लाख ३६ हजार ५११ जाने पुगल बा । संक्रमितमन्से हालसम ९ लाख ३० हजार ६०७ जाने ठिक हुइल बटै ।
हाल देशभर सक्रिय संक्रमित २९ हजार ४ जाने रहल बटै । यिहेबीच पछिल्का २४ घण्टामे २ लाख २० हजार ६०१ जाने कोरोनाविरुद्धके खोप लगैले बटै ।
