नेतृत्व विकास ओ दलित पैरवी अभिमुखीकरण
पहुरा समाचारदाता
मसुरिया, ११ फागुन । दलित उत्थान सम्बन्धी अभिमुखीकरण कार्यक्रम सम्पन्न हुइल बा । गौरीगंगा नगरपालिका वडा नं ९ वडा कार्यालयके सहयोगमे कार्यक्रम हुइल हो ।
ईन्द्रेणी सामुदायिक वचत संस्था गौरीगंगा– ९ भगवानपुरके आयोजनामे कार्यक्रम करल रहे । ३ दिनके अवधिमे वडा नं ९ के ७५ जाने दलित महिलाहुकनहे नेतृत्व विकास, दलित पैरवी सम्बन्धी अभिमुखीकरण करल रहे ।
संस्थाके अध्यक्ष किसन विकके अध्यक्षतामे सम्पन्न हुइल कार्यक्रममे वडा अध्यक्ष हरि प्रसाद तिवारी ओ महिला वडा सदस्य गोमा भण्डारी सम्बोधन करले रहिट । महिलाहुकनके पहुँच स्थानीय सरकार ओ राज्यके हरेक निकायमे सहभागिता ओ अपन अधिकार स्थापित प्राप्तिके लाग पहल पैरवी कैना महिला सक्षम हुइना विश्वाससे कार्यक्रम करल वडाध्यक्ष तिवारी बटैले बटै ।
सहभागीहुकनहे दलित अगुवा तथा समाजसेवी लक्ष्मण विक ओ शान्तिका लागि युवा संजाल कैलालीके संयोजक पिताम्बर पौडेल सहजीकरण करले रहिट ।
