हसुलिया बजारमे मास्क वितरण

पहुरा समाचारदाता
हसुलिया, १५ फागुन । महामारी नियन्त्रण ओ रोकथाममे मोर प्रतिवद्धता, सहि ढंगसे मास्क लगैना आजके आवश्यकता कना नारासहित कैलारी–१, हसुलिया बजारमे मास्क वितरण करल बा ।

कैलारी–२ स्थित चेतना विकास समाजके आयोजना तथा अमिष इन्टरप्राइजेज धनगढी ओ ए वान राधे सप्लायर्स हसुलियाके सहआयोजनामे एक हजार ठो मास्क वितरण करल हो ।

मास्क वितरणमे मिरर अस्पताल हसुलिया ओ इकाला प्रहरी कार्यालय हसुलिया सहजीकरण करले रहे । ओस्टेक मास्क वितरणमे संघीय सभासद गौरीशंकर चौधरी ओ नेता राजसमज चौधरी समर्थन करले रहैं ।

चेतना विकासके कल्याण घिमिरे व्यवस्थापन करल कार्यक्रममे चेतना विकासके पदाधिकारी, टमान संघ संस्था, सहयोगी संस्था, सरोकारवालाहुकनके उपस्थिति रहल रहे ।