सत्ता गठबन्धनसे एमसीसी अनुमोदन करना निर्णय
काठमाडौं, १५ फागुन । सत्ता गठबन्धनके शीर्ष नेताहुक्रे एमसीसी अनुमोदन करना सहमत हुइल बटैं । प्रधानमन्त्री शेरबहादुर देउवाके सरकारी निवास बालुवाटरमे अँट्वार बिहान बैठल बैठकमे सत्ता गठबन्धनमे एमसीसी अनुमोदन करना विषयमे औपचारिक निर्णय करल हो ।
संसद्से ‘व्याख्यात्मक टिप्पणीसहित एमसीसी अनुमोदन करना’ सत्ता गठबन्धनमे रहल दलबीच सहमति जुटल कांग्रेस महामन्त्री गगन थापा जानकारी डेलैं ।
बैठकमे प्रधानमन्त्री शेरबहादुर देउवा, माओवादी केन्द्रके अध्यक्ष पुष्पकमल दाहाल, नेकपा एकीकृत समाजवादीके अध्यक्ष माधवकुमार नेपाल, नेपाली कांग्रेसके ओरसे वरिष्ठ नेता रामचन्द्र पौडेल‚ कृष्णप्रसाद सिटौला‚ महामन्त्री गगनकुमार थापा‚ उपसभापति पूर्णबहादुर खड्का, जनता समाजवादी पार्टीके अध्यक्ष उपेन्द्र यादवलगायत सहभागी रहे ।
सत्ता साझेदार दल आन्तरिक गठबन्धन ओ एमसीसी सम्झौता दुनु जोगैना सहमतिमे पुगल हो । माओवादी ओ एकीकृत समाजवादी सम्झौताके कुछ बुँदामे ढरल प्रश्नमे ‘व्याख्यात्मक घोषणा’ सहित संसद्से पारित करना सहमत हुइल हो ।
अँट्वार बैठना प्रतिनिधिसभा बैठकमे एमसीसी सम्झौताउप्पर सैद्धान्तिक छलफल करना कार्यसूची बा । गठबन्धन दलबीच औपचारिक समझदारी बनलमे प्रस्ताव अँट्वारके बैठकसे पारित करना ओ ओकरपाछे दफावार छलफल कैके तत्काल, नैसक्ेलेसे सोम्मार अनुमोदन करना तयारी प्रधानमन्त्री करले बटैं ।
